KAMANA SOBAT ABDI NU KEUR BAHEULA?

Kamana sobat abdi nu keur baheula ?

Awal asup sakola awal jadi budak sakola SMA, abdi teu wawuh ka jalmi – jalmi nu aya di sakitar abdi.

Lila kalilaan saling wawuh nepi ka jadi deukeut jeung salah saurang jalmi nu ayeuna ku abdi di sebut “SOBAT”

            Ngaran abdi teh Nita Iswana nu osok disebut Ita atawa Nita, abdi the sakola di SMA 78 Bandung. Abdi gaduh hiji sobat anu daria deukeut jeung abdi ti awal asup SMA 78 Bandung nepi ka ayeuna. Ngaran manehna teh Erna nu biasa disebut Ena atawa Erna ge tiasa. Unggal poe lamun arek kamana mana pasti bareng wae jeung si Erna teh. Mulai ti ulin, uih sakola, ngerjakeun tugas sakola, ka kantin, gaduh ekskul nu sarua jeung sajabana. Sakabehna teh pasti sarua wae jeung manehna.

Isuk – isuk… sateuacan abdi angkat sakola aya sms ti Erna nu eusina

“ Nit bade bareng teu angkat sakolana ? “

Ku abdi di bales “ enya Na bareng we.”

Enya , unggal poe teh abdi sareng Erna osok bareng wae angkat sakolana nepi ka babaturan disakolaan teh nyebutkeun abdi sareng Erna kembar. Sok hoyong seuri lamun aya nu salah nyebutkeun ngaran nu kuduna ngaran Nita jadi Erna, Nu kuduna Erna jadi Nita. Batur teh sok tibalik nyebutkeun ngaran abdi sareng Erna da saking deukeutna abdi sareng Erna teh, kamana mana teh duaan we kos paribasa jelema kembar “ okos pinang nu dibeulah dua “ sareng paribasa “ aya gula aya sireum “ nya kos kitulah abdi sareng Erna. Batur – batur disakolaan nyahoeun lamun aya abdi pasti aya si Erna, lamun aya si Erna pasti aya abdi.

Tapi aya oge sobat abdi nu sejen ti kelas – kelas nu sejen. Ngaran maranehna nyaeta Ian, Iwan, Ata, Ratna, sareng Lia. Arurang teh sok ulin babarengan lamun unggal uih sakola teh pasti ulin ka imah salah sahiji ti geneupan eta teh. Teu pernah kalewat hiji poe teu ulin jeung sobat – sobat abdi teh.

Lamun geus karumpul jeung eta barudak teh pasti sok poho ka waktu, sok picengireun oge lamun ningali si Ata jeung si Ratna raribut wae. Lamun si Iwan jeung si Ian mah ngaromongkeun awewe nu dipikaresepna wae. Lamun si lia, manehna mah cicing wae lamun arurang cecengiran ge manehna mah ngan seuri wungkul. Nah lamun urang jeung si Erna the bisa disebut sodara kembar atanapi soulmate ge bisalah kusabab hampir kabeh sarua jeung manehna.

Bandung,26 Juni 2012 

            Anjeun eta salah saurang nu tiasa naghibur abdi keur poe – poe abdi nu kosong

            Tapi anjeun oge tiasa ngajieun abdi ngarasa kecewa keur poe – poe abdi hampa

                                                                        Kunaon ?

                                                                        Aya naon ?

            Hiji prinsip abdi…..

            Hiji nu diidamkeun…..

            Nyaeta gaduh imam nu cerdas mbeh berguna pikeun abdi sareng kaluargi anjeun

           

            Atanapi anjeun teu sarua jeung jalmi – jalmi nu sejen

            Anjeun bebas teu aya aturan…..

            Anjeun bebas teu aya larangan…..

Tanggal 26 Juni 2021… poe kemis tepatna, saenggeus abdi uih sakola abdi nuliskeun tentang eusi hate abdi ka salah saurang lalaki nu keur deukeut jeung abdi.

Abdi sieun papisah jeung manehna. Da teu karasa sakeudeung deui raport kenaekan kelas teh rek dibagikeun tepatna isukan poe jumaah tanggal 27 Juni 2012.

Isukanana …..

            Poe ieu aya pembagian raport kenaekan kelas. Abdi diuk sorangan sabari nangguan raport dibagikeun, ujug – ujug Erna diuk di gigireun abdi.

Erna nyarios “ Nit, cenah si Ferdi rek pindah sakola ? “

Saur abdi “ ah nu bener ? “ (abdi ngan bisa cicing,teu ngajawab pananya ti Erna)

Saur Erna “ Nit? Teu kunanaon pan maneh ? “

Saur abdi “ henteu Na.” (nahan ceurik)

Saur Erna “ entos Nit entos, tong sedih ah. Lamun eta bener nya terima we Nit sing sabar nya

maneh kudu kuat pan aya abdi nu ngabaturan maneh didieu “

Saur abdi “ enya Na, nuhun pisan nya nuhuuuun… “ (ngarangkul Erna sabari Ceurik)

Keur abdi sedih kusabab si Ferdi rek pindah sakola, si Erna aya di gigireun abdi. Nyemangatan sareng ngahibur abdi keur abdi sedih teh. Da nu ngarana sobat emang kudu kitu ka sobatna nu keur sedih.

Minggu ayeuna tos liburan, sobat – sobat abdi ngajakan jalan – jalan ka pantai anyer. Arurang janjian di hareup sakola pikeun ngomongkeun rencana jalan – jalan eta.

Ceuk Iwan “ kumaha yeuh ka anyer teh ? rek jadi moal ? “

saur Ian “ hayu atuh! kudu jadi da liburan ayeuna mah jalan – jalanna! pan ayeuna libur panjang“

Saur Erna “ enya pokona mah kudu jadi! “

Saur Lia “ abdi mah ngiring ngiring wae lah nya … “

(Ata sareng Ratna mah sibuk pa omong omong saperti biasana ribut unggal poe)

Ceuk abdi “jadina rek angkat iraha yeuh ka anyerna ? “

Ceuk Ian “ isukan wae atuh, mbeh tereh nepi nyaa… “

Ceuk Erna “ heueuh we lah nu penting mah jadi jalan – jalanna “

Ceuk abdi “ geus we atuh nya isukan didieu jam 5 subuh kudu karumpul kabeh! Eweuh aya nu telat nyaaa! “

            Akhirna saentos diomongkeun jalan – jalan ka anyerna arurang langsung uih pikeun nyiapkeun barang – barang nu rek dibawa isukan. Abdi sareng sobat – sobat abdi liburan 3 poe lilana. Diditu karasa pisan kakeluargianna teh. Kos kaluargi sorangan we eta mah.

16 Juli 2012…..

            Teu karasa liburan teh tos beres deui, ayeuna abdi tos jadi kelas XI nu kudu siap – siap jadi panutan adi – adi kelas. Dijalan rek ka kantin sareng Erna,

Erna nyarios “ Nit nit….. tingali eta tingali budak teh kasep pisan nya! “

ceuk abdi “ mana mana ? (ningali ka tukang) ih enya meni kasep pisaaaan! “

Saur Erna “ ih abdi jadi reuseup ka manehna! “

Ceuk abdi “ dasar ah maneh mah, bade abdi salamkeun ka manehna ? “

Saur Erna “ eh eh ulah ulah atuh isin. Buruan ah yu ka kantin engkin kaburu asup “

Ceuk abdi “ enya enyaaaa.. “

            Keur Erna bungah kusabab reuseup ka saurang lalaki abdi aya di gigireun manehna. Nya sobat teh lain aya keur susahna wae tapi aya oge keur anjeun bungah.

Saenggeus liburan semester kamari,. Ian, Iwan, Ata, Ratna, jeung Lia teh tara katinggali deui. Hiji – hiji teh sobat abdi laleungitan teu terang kamana. Mulai ti Lia nu teu terang kamana meni teu katingali pisan. Ujug – ujug leungit kitu we lamun urang arulin teh manehna sok tara aya. Terus si Ata jeung Ratna saking unggal poena ribut wae maranehna jadi marales kapanggih jadina tara arulin deui sareng abdi, Ian, Iwan, jeung Erna. Tos tilu tah sobat – sobat abdi nu laleungitan teu terang kamana. Ayeuna nu sok ulin tinggal abdi, Erna, Ian, jeung Iwan.

Isukanana….

            Dihareupeun kelas Iwan aya lalaki nu dipikaresep ku si Erna. Manehna keur ngobrol jeung si Iwan. Tos beres maranehna ngobrol, Erna langsung nyamperkeun si Iwan.

Erna nyarios “ Wan, eta nu tadi ngobrol jeung maneh teh saha ? “

Ceuk Iwan “ eta tatangga abdi Na, kunaon emang ? “

Saur Erna “ ning kasep nya ? hehe “

Ceuk Iwan “ haha enya we lah abdi mah.. “

Saur Erna “ saha eta ngarana ? “

Ceuk Iwan “ eta si Imron, kunaon kitu ? “

Saur Erna “ ih kaeeep pisaaan Waaan.. “

Ceuk Iwan “ nya engkin abdi salamkeun deuh ka si Imron! Tos heula nya abdi bade asup ka

kelas.”

Saur Erna “ enya Wan, nuhun nyaa “

Ceuk Iwan “ enyaaa… “

Geuningan lalaki anu dipikareuseup ku si Erna teh tatanggana si Iwan. Ayeuna Imron jeung Ian uih bareng wae jadina si Ian osok balik sorangan. Teu terang manehna ngambek atawa kumaha tapina kosna mah si Ian nagmbek kusabab si Iwan teh tara uih bareng sareng manehna deui jadi si Ian tara bareng deui sareng si Iwan kusabab tos gaduh baturan nu sejen.

Ayeuna tinggal abdi sareng si Erna wungkul nu sok ulin bareng keneh.

Tapi….

Aya hiji kajadian anu ngajien abdi sareng Erna teh teu deukeut deui jeung abdi.

            Kieu caritana…

Keur eta abdi sareng Erna teh ulin ka bumi si Ina nepi ka peutingna kusabab poho kana waktu mun awewe tos ngarumpi mah. kusabab isukan teh poe minggu, abdi teh ngendong we di imahna si Ina kusabab lamun uih ge angkot nu ka bumi abdi tos teu aya. Atanapi si Erna teh hoyongeun uih, manehna ngajakan abdi uih tapi pan abdina bade ngendong di bumi si Ina. Jadina abdi teu tiasa uih bareng jeung manehna.

Poe senen..

            Abdi sareng Erna ngobrol kos biasana wae, kos nu teu aya nanaon kusabab sangka abdi teh manehna teu ngambek ka abdi. Tos uih sakola aya sms ti si Erna nu eusina

“ maneh mah ayana keur butuh ka urang wungkul! Lamun urang keur susah we maneh mah teu ngabantuan abdi. “

Didinya abdi jadi ngarasa teu geunah hate ka manehna, nepi kapikiran ku abdi ge.

Poe salasa…

            Abdi diuk di korsi saperti biasana sabari nangguan bel asup. Erna teh datang kos nu biasa wae ka abdi.

Ku abdi di Tanya “ Na keur kamari teh kunaon ? coba jelaskeun ka abdi ? “

Ceuk manehna “ teu kunanaon Nit “

Manehna ngomong teu kunanaon tentang nu keur kamari atanapi keur abdi diuk di korsi manehna embung aya di gigireun abdi. Nu asalna sakorsi jeung abdi ayeuna jadi henteu. Ayeuna ge lamun rek ka kantin, menta tulung, menta anterkeun, manehna tara ngajakan ka abdi pikeun ngabaturan manehna. Abdi jadi ngarasa salah ka manehna, enya abdi emang salah kusabab keur sobat abdi menta tulung abdi teu ngabantuan manehna. Nu ngarana soba nya kudu aya keur susah oge henteu aya keur bungah wungkul.

Didinya abdi hoyong ceurik, hoyong ngajerit sakenceng kencengna. Sajahat jeung sahina naon sih abdi teh nepi ka manehna kos kitu?

Abdi terang pasti manehna ngarasa nyeri hate ka abdi jadina manehna rek ngabales eta ka abdi. Tapi abdi nyeuri, abdi kecewa kusabab abdi teh lain sobat bisa nyieun manehna bungah.

Ayeuna aya nu bisa ngajieun manehna bungah wae, nyaeta Tika sobatna nu anyar meureun. Meureun ayeuna manehna teu butuh deui ka abdi kusabab ayeuna nanaon teh ka si Tika wae. Ayeuna duaan wae jeung si Tika lain sareng abdi. Abdi sedih abdi ngarasas tos dipiceun ku manehna. Ayeuna teu aya deui kembaran abdi, soulmate abdi nu sok ngabaturan abdi nu sok babarengan jeung abdi. Hiji soulmate nu berarti pikeun abdi kajeun manehna teu ngaggap abdi deui jadi sobat manehna kusabab manehna tos gaduh sobat nu anyar nu leuwih bisa ngajieun manehna bungah.

                                                Kamana ?

                                                Maneh kamana ?

                                                Maneh diditu ? lainna sok aya digigireun abdi ?

Eta nu bisa abdi omong tina hate, meureun eta emang jalan nu kudu abdi jalankeun ayeuna.

Ayeuna abdi ngan bisa ngarelakeun soulmate abdi, sobat abdi anu tos gaduh sobat nu anyar nu leuwih ngarti jeung leuwih bisa ngajieun manehna bungah wae kusabab waktu nu terus muter ninggalkeun kajadian nu kamari – kamari dijalankeun teu bisa balik deui ka masa lalu.

Ayeuna abdi ngan bisa ngomong

“ kamana sobat abdi nu keur baheula? “

Aya dideukeut abdi…

Aya digigireun abdi …

Tapi teu karasa nyawana lamun digigireun abdi

Teu kos kamari – kamari nu saling ngalengkepan kakurangan nu abdi sareng manehna gaduh.